عندك كرش !؟
مشكلة دهون البطن واللي معظم الناس بتعاني منها واللي بتمثل عائق كبير بالنسبه للحركه وكمان اثر نفسي
مظنش في حد بيفخر بكرشه يعني !!
ومظنش روميو كان هيبقى هيمان بجوليت لو كان عندها كرش ..
وبالنسبه للشباب اللي مفكرين ان كل البنات زي دنيا سمير غانم في الفيلم وهي بتقول " الراجل اللي معندوش كرش ميسواش قرش " لا انت بتحلم والله " الراجل اللي عنده كرش ميسواش قرش " عمر ما كان الكرش بيعبر عن العز زي بعض الامثال القديمة .
ما علينا احنا خرجنا عن الموضوع خالص انهرده جبتلكم وصفة جميله جدا بتساعد على تفتيت دهون البطن وتقليل الحمض الشحمي ده بجانب انها بتساعد على خفض ضغط الدم والوقاية من امراض القلب
وصفة انهرده عباره عن
قشر الرمان - زنجبيل - شاي اخضر
المقادير
- قشرة رمان
- معلقتين زنجبيل
- معلقتين شاي اخضر
- معلقتين نعناع
- نص لتر ميه